Presidenti i zgjedhur Barak Obama emëroi një guvernator tjetër në kabinetin
e tij. Në një konferencë shtypi gjatë kësaj ore në Çikago zoti Obama njoftoi
kandidaturën e guvernatorit të Nju Meksikos Bill Riçardson për postin e
sekretarit të tregëtisë.
Zoti Riçardson ishte kandidat presidencial dhe ka shërbyer si ambasador i Shteteve të Bashkuara në Kombet e Bashkuara dhe sekretar i energjisë në administratën Klinton.
Si sekretar i tregëtisë, zoti Riçardson do të luaj një rol të rëndësishëm në nxitjen e tregëtisë ndërmbëtare dhe do të ndihmojë në fuqizimin e ekonomisë amerikane. Një tjetër guvernatore, Xhenet Napolitano nga Arizona u emërua të hënën si kandidate për postin e kreut të Departamentit të Sigurisë Kombëtare.
Po sot, anëtarët e ekipit të tranzicionit të zotit Obama po takohen me dhjetra gjeneralë dhe admiralë në pension. Ish zyrtarë të lartë të ushtrisë po i bëjnë thirrje administratës Obama të ndalë përdorimin e teknikave të marrjes në pyetje nga CIA.//rd//