Kristofer Hill thotë se negociatorët nuk arritën dot t’i zbusnin mosmarrëveshjet për mënyrën e verifikimit të pretendimeve të Koresë së Veriut sipas së cilave ajo i ka dhënë fund programit bërthamor.
Zoti Hill thotë se negociatorët diskutuan një projekt-propozim të përgatitur nga Kina, por hasën disa vështirësi të konsiderueshme dhe nuk arritën dot një marrëveshje për hapat e mëtejshme.
Në projekt-dokument parashikohen porcedurat që mund të ndjekin inspektorët ndërkombëtarë për të verifikuar pretendimet bërthamore të Phenianit.
Shtetet e Bashkuara këmbëngulin se inspektorët duhet të lejohen që të marrin kampionë materialesh nga objektet bërthamore për të vërtetuar që Koreja e Veriut i ka ndërprerë përpjekjet për të ndërtuar armë bërthamore. Pheniani e mohon të ketë rënë dakord më parë për marrjen e kampionëve, duke e quajtur një gjë të tillë shkelje të sovranitetit të saj.//kk//