Vitin e Ri po e festojnë edhe fëmijët jetim të Shkodrës. Në shtëpinë e fëmijëve të këtij qyteti janë bashkuar më shumë se 40 fëmijë jetimë, nga të gjitha rrethet e Shqipërisë. Kushtet e jetesës dhe të edukimit, janë të mira, por shqetesimi i fëmijëve jetimë është pas përfundimit të shkollës në ciklin e ulët, kur ata detyrohen të lenë shtëpinë e fëmijëve dhe gjenden të pambrojtur, edhe pse ende në moshë të mitur.