Drejtuesit e katër partive më të mëdha në Maqedoni nuk arritën pëlqimin që në zgjedhjet e ardhëshme vendore dhe presidenciale votimi të bëhet edhe në mënyrë elektronike.
Lidhja Social Demokrate e opozitës vlerëson se nuk ka mbetur mjaft kohë që të bëhen përgatitje për votim elektronik. Ky lloj votimi, i propozuar nga kryetari i partisë VMRO-DPMNE dhe kryeministër Nikolla Gruevski, do të ishte një projekt "pilot" që do të bëhej vetëm në disa komuna të vendit.
Nikolla Gruevski, Ali Ahmeti, Menduh Thaçi dhe Zoran Zaev kanë parapëlqyer datën 22 mars të këtij viti për mbajtjen e zgjedhjeve vendore dhe presidenciale. Nesër pritet që kryetari i Parlamentit të Maqedonisë të shpallë zyrtarisht datën e zgjedhjeve.
Dy partitë rivale shqiptare thonë se do të angazhohen për
zgjedhje të drejta dhe demokratike, ndërkohë që vazhdojnë ta akuzojnë
njëra tjetrën për procesin e dhunshëm të zgjedhjeve parlamentare të 1
qershorit. //rd//