Lidhje

Ish nënpresidenti Çejni i druhet një tjetër sulmi terrorist


Ish nënpresidenti amerikan Dik Çejni thotë se beson se ka mundësi të lartë siç tha ai që terroristët të përpiqen të kryejnë një sulm katastrofik kundër Shteteve të Bashkuara në të ardhmen e afërt.

Zoti Çejni i tha revistës "Politico" se i frikësohet faktit që politikat e administratës së zotit Obama do ta bëjnë më të mundshme që një sulm i tillë të ndodhë.

Në një intervistë që u publikua dje, ai mbroi ekzistencën e burgut të Guantanamos në Kubë dhe tha se beson se rreth 200 të burgosurit atje përbëjnë ende një kërcënim të konsiderueshëm për Shtetet e Bashkuara.

Ai tha se ka më shumë frikë nga një sulm i tipit të 11 shtatorit gjatë të cilit siç tha ai terroristët e armatosur me armë bërthamore ose biologjike do të sulmonin një qytet të madh amerikan. //ek//

XS
SM
MD
LG