Zyrtarët në Irak thanë se një vetvrasës shkaktoi të paktën 12 viktima në provincën verilindore të Dijalas.
Sulmi ndodh ndërsa Iraku pret rezultate e zgjedhjeve provinciale, të parat në vend që nga viti 2005.
Rezultatet paraprake pritet të dalin sot. Deputetët thanë se shenjat e para tregojnë për një rezultat të mirë për koalicionin e udhëhequr nga kryeministri Nouri al-Maliki.
Autoritetet kanë shtuar sigurinënë provincën Anbar pas akuzave nga udhëheqësit fisnorë suni për manipulim të votave.
Zyrtarët amerikanë dhe irakianë kanë paralajmëruar për mundësinë e dhunës nga ata që nuk janë të kënaqur me rezultatet.
Problematike duhet të jenë provincat me shumicë suni. Shumë irakiaë, veçanërisht suni i bojkotuan zgjedhjet e vitit 2005. Zyrtarët i reklamuan këto zgjedhje si një mënyrë për të rishpërndarë pushtetin në mënyrë më të barabartë mes grupeve etnike dhe sektare të vendit. (ze)