Zoti Ban tha sot se Iraku ka bërë një përparim të madh, por ende i mbetet shumë për të bërë para se të gëzojë liri, siguri dhe begati të vërtetë. Ai e vuri gjithashtu theksin tek gjendja e sigurisë në Irak.
Kreu i Kombeve të Bashkuara i bëri këto komente në Bagdat, ku u takua me Presidentin irakian, Jalal Talabani.
Shefi i OKB-së u takua me kryeministrin Nouri al-Maliki gjatë vizitës së panjoftuar më parë një ditë pasi rezultate e votimeve tregojnë për një fitore të ndjeshme të koalicionit të zotit Maliki.
Zëdhënësit thanë se zoti Ban shkoi në Bagdat për të treguar mbështetjen e OKBsë për Irakun dhe për të uruar irakianët që zhvilluan zgjedhje paqësore.
Zyrtarët e OKBsë ishin të përfshirë në planifikimin e votimeve, të cilat u zhvilluan të qeta.
Zgjedhjet shikohen si një referendum për udhëheqjen e zotit Maliki para
zgjedhjeve parlamentare kombëtare në fund të këtij viti. //ad//