Komentet e një gjenerali të lartë izraelit po rindezin tensionet mes Izraelit dhe Turqisë.
Komentet e Gjeneral Majorit Avi Mizrahi pasojnë ato të kryeministrit turk Rexhep Taip Erdogan i cili kritikoi kohët e fundit ofensivën izraelite në Gazë.
Sipas mediave, gjenerali Mizrahi tha se çdo kritikë e bërë ndaj Izraelit është hipokrizi pasi siç tha ai “ushtria turke po pushton Qipron, po shtyp pakicën kurde dhe është fajtore për masakrimin e armenëve gjatë Luftës së Parë Botërore”.
Ushtria turke paralajmëroi se komentet mund të dëmtojnë marëdhëniet mes dy vendeve, ndërsa ministria e jashtme turke bëri një notë proteste ndaj ambasadorit izraelit në Turqi. //ek