Disa mijëra protestues, mbështetës të Partisë Komuniste Ruse, protestuan kundër mënyrës sesi Kremlini po përballet me ekonominë ruse.
Protestuesit, shumë prej të cilëve mbanin në duar flamujt sovjetikë, kërkuan dorëheqjen e presidentit Dmitri Medvjedev si dhe të kryeministrit Vladimir Putin. Protestues të tjerë mbanin në duar fotot e ish diktatorit sovietik Josef Stalin teksa zhvillonin protesta kundër reformave në ushtri.
Kjo ishte protesta e fundit pas një sërë të tillash në gjithë Rusinë, në një moment kur ekonomia ruse po përkeqësohet.
Sipas dëshmitarëve policia, e pajisur me qen, monitoroi protestën, por nuk ndërhyri.
Edhe në Kiev të Ukrainës u zhvilluan protesta kundër presidentit Viktor Jushçenko. Demonstruesit, që mbështesin opozitën pro-ruse, kërkojnë që presidenti me prirje perëndimore të japë dorëheqjen.//ek