Në Shqipëri gjykata e Vlorës dënoi sot me 6 muaj burgim dhe heqjen për
3 vjet të së drejtës për të ushtruar veprimtari publike për Kryetarin e
Bashkisë së Himarës Vasil Bollano. Ai ishtë akuzuar nga prokuroria për
heqjen e tabelave që tregonin lokalitetet dhe vendet turistike të cilat
ishin shkruar në gjuhën shqipe dhe angleze.
Menjëherë ka reaguar partia
e Bashkimit të të Drejtave të Njeriut e cila mbron interesat e
minoritetit grek në Shqipëri, duke e konsideruar vendimin e gjykatës si
një akt me prapavijë politike e të frymëzuar nga qarqe nacionaliste.