Një anketim i fundit i publikut tregon se afrikano-amerikanët po ndjehen më optimistë për gjendjen e marrëdhënieve raciale në SHBA, rreth 100 ditë pasi Presidenti Obama u betua si Presidenti i parë afrikano-amerikan.
Një vëzhgim i kryer nga gazeta "The New York Times" dhe rrjeti
CBS News tregon se 59 për qind e zezakëve dhe 65 për qind e të bardhëve
thonë se marrëdhëniet mes të dy racave janë të mira. Një anketim i
kryer rreth 6 muaj më parë tregoi se vetëm 29 për qind e të gjithë
afrikano-amerikanëve mendonin pozitivisht për marrëdhëniet ndërracore.
Megjithatë, pavarësisht nga zgjedhja historike e zotit Obama, 51 për
qind e të gjithë afrikano-amerikanëve thonë se të bardhët kanë më tepër
shanse për të patur sukses në shoqërinë amerikane, krahasuar me 44 për
qind e atyre, që thanë se të dyja racat i kanë njëlloj mundësitë për të
patur sukses.