Ministri i Jashtem i Serbise Vuk Jeremiç ishte sot për vizitë në Shkup
ku shprehu keqardhje mbi pikëpamjet e kundërta të Maqedonisë dhe
Serbisë lidhur me Kosovën. Nga ana tjetër, ministri serb tha se dy
vendet kanë një vizion të përbashkët mbi integrimin e Ballkanit
perëndimor në Bashkimin Evropian. Maqedonia së shpejti do ta dërgojë
ambasadorin e saj te ri në Beograd. Serbia e pati dëbuar ambasadorin
maqedonas menjëherë pasi Maqedonia e njohu pavarësinë e Kosovës.