Banorët e Himarës thonë se ky sezon turistik do të jetë më i mirë se
vitet e shkuara për qytetin e tyre bregdetar. Ky optimizëm sipas
banorëve vjen jo vetëm prej përmirësimit të rrugës që lidh Himarën me
Vlorën dhe Sarandën, por edhe prej shërbimeve më të mira në qytet.
Banorët shprehin pikëpamje të ndryshme për dënimin e Kryetarit të
Bashkisë së Himarës Vasil Bollano nga Gjykata e Vlorës për heqjen e
tabelave në gjuhën shqipe në segmentin e rrugës kombëtare.