Presidenti i ri maqedonas Gjorgje Ivanov sot pasdite mori
zyrtarisht detyrën, pasi bëri betimin para deputetëve në Parlament. Ai
theksoi se gjatë mandatit të tij pesëvjeçar do ta drejtojë vendin me
vetëdije dhe përgjegjësi. Zoti Ivanov tha se do të jetë president i
të gjithë qytetarëve të Maqedonisë dhe se do të angazhohet për
qëndrueshmërine, marrëdhëniet e shëndosha ndëretnike, ekonominë e
vendit, integrimin euroatlantik dhe për bashkëpunim të ngushtë me
vendet fqinje.