Në Shqipëri, sigla e partisë dhe emri i kryetarit të saj janë elementët përcaktues në preferencën e votës për pjesën më të madhe të shqiptarëve. Një sondazh i realizuar nga zyra për mbrojtjen e qytetarëve tregon se mbi 82 përqind e të anketuarve nuk kanë asnjë dijeni për sistemin elektoral ndërkohë që mosbesimi për mbajtjen e zgjedhjeve të lira e të ndershme mbetet i lartë. Sipas sondazhit 53 përqind e shqiptarëve mendojnë se zgjedhjet do të kenë probleme.