Në Shqipëri ndikimi i krizës ekonomike globale do të vazhdojë të
ndjehet me pasoja të prekshme për qytetarët. Guvernatori i Bankës
Qëndrore Ardian Fullani, tha sot se rritja ekonomike do të jetë
pozitive por e ulët, ndërsa sipërmarrja private do të jetë në
vështirësi financiare, gjë që do të reflektohet në rritjen e papunësisë
dhe uljen e të ardhurave për familjet shqiptare. Sistemi bankar
deklaroi guvernatori Fullani e kaloi goditjen që mori vjeshtën e
kaluar, por ky sistem po qëndron në pozita mbrojtëse për të shmangur
efektet e rritjes së kredive të këqija ndërkohë që rezultatet
financiare parashikohen në rënie edhe gjatë këtij viti.