Pesëdhjetë vetë, shumica dërrmuese e tyre shqiptarë, morën sot vendimet
si nëpunës të rinj në administratën shtetërore të Maqedonisë. Këto
punësime bëhen në kuadër të zbatimit të Marrëveshjes së Ohrit. Numri i
shqiptarëve në administratën e Maqedonisë është shtuar dukshëm brenda
pak viteve të fundit dhe sot ata përbëjnë mbi 16 përqind. Sipas
marrëveshjes (së Ohrit) përfaqësimi i tyre në administratën shtetërore
duhet të jetë në pajtim me përqindjen e vetë popullatës shqiptare në
Maqedoni.