Udhëheqësit e Kosovës as sot nuk janë pajtuar me shefin e EULEX-it Yves de Kermabon për nënshkrimin e një protokolli të bashkëpunimit me Serbinë, që synon këmbimin e informacioneve në funksion të luftës kundër krimit të organizuar dhe veprimtarive të tjera të paligjshme. Këto paralajmërime nxitën reagime në Kosovë, ndërsa vetë shefi i EULEX-it tha se misioni i tij nuk ka nënshkruar dhe nuk do të nënshkruajë marrëveshje në emër të Kosovës.