Shteti perëndimor amerikan, Ajova, po feston 50 vjetorin e vizitës historike të udhëheqësit sovjetik Nikita Hrushovit.
Një delegacion prej më shumë se 40 ligjëvënësish dhe biznesmenësh rusë gjenden në kryeqytetin e shtetit Ajova, Des Moines, për të marrë pjesë në ceremoninë që shënon vizitën historike të 1959-ës.
Në këtë ceremoni merr pjesë edhe djali i udhëheqësit rus, Sergej Hrushov, i cili tani jeton në Shtetet e Bashkuara. Ai ishte me babain gjatë udhëtimit të tij të parë në Shtetet e Bashkuara.
Hrushov u tha gazetarëve dje se vizita e kohës së Luftës së Ftohtë ishte një përvojë shumë e madhe. Ai thotë se kujton se si të gjithë njerëzit kudo po qeshnin gjërsa mirëpritën delegacionin sovjetik.
Hrushov tha se babai i tij ishte shumë i interesuar për bujqësinë pasi Bashkimi Sovjetik ishte përballur me mungesa kronike të furnizimit me ushqim.
Shteti Ajova është i begatshëm falë industrisë së bujqësisë e cila filloi të zhvillohej gjatë shekullit të 19-të.