Komandanti i forcave amerikane në Azi thotë se mesa duket Koreja e Veriut do të jetë në krye të shqetësimeve të zëvendësit të tij ndërkohë që ndërrohet komanda në muajin tetor. Ai thotë se edhe çështje të tjera përfshirë vazhdimin e fuqizimit ushtarak të Kinës, gjithashtu do të kërkojnë vëmendje. Admirali Timothy Keating, komandant i forcave amerikane në Azi, bisedoi kohët e fundit me korrespondentin e Zërit të Amerikës në Pentagon, Al Pessin.
Koreja
e Veriut kryeson listën e shqetësimeve për admiralin Timothy Keating ndërkohë
që përgatitet të lërë Komandën e Paqësorit. Ai thotë se megjithëse komanda e
tij përfshin një zonë të madhe, komandanti i ri mesa duket do të përqendrohet
në një pjesë të vogël.
"Është e qartë
se Koreja e Veriut do të kryesojë listën. Ne po analizojmë me kujdes si
përpjekjet e zbulimit ashtu edhe rrugët diplomatike. Jemi të përgatitur të kundërpërgjigjemi
nëse ata tragjikisht përfshihen në ndonjë aktivitet ushtarak të rrezikshëm." - tha admirali Keating.
Pheniani ka rraketa me rreze të mesme dhe të shkurta dhe po punon, por ende pa sukses, për rraketat me rreze të gjatë veprimi. Admirali Keating thotë se problem kryesor është mungesa e qartësisë rreth synimeve të udhëheqësve të Koresë së Veriut:
"Ne mund të
përllogarisim por jo të parashikojmë. Mendimet i bazojmë në mundësinë e
zhvillimit të ngjarjeve."
Por edhe synimet kineze janë të paqarta. Pasiguria nuk është ekstreme, thotë ai, por kapaciteti ushtarak i Kinës është më i madh dhe po shtohet me shpejtësi.
"Do
të donim që t'i kuptonim më mirë synimet e tyre ushtarake." - thotë ai
Shtetet e Bashkuara janë një fuqi ushtarake dominuese në Paqësor dhe
synojnë të mbeten të tilla. Por Kina po përfshihet më shumë në çështjet e
sigurisë rajonale, çfarë ka bërë që disa analistë të shqetësohen rreth
konfrontimeve të mundëshme.
"Nuk më shqetëson aq shumë që Kina po sfidon epërsinë tonë. Ne kemi kapacitete domethënëse, kështu që Kina nuk do të sfidojë dominimin tonë në të ardhmen e afërt. Kjo nuk përbën shqetësim. Por shqetësimi është tek mungesa e dialogut dhe komunikimit që mund të çojë në krizë." -tha admirali Keating.
Vitin e kaluar, Kina kufizoi shkëmbimet ushtarake me Amerikën për të
protestuar eksportet ushtarake amerikane për Taivanin. Dhe shqetësimet janë
shtuar. Admirali Keating thotë se ka
patur takime pozitive me oficerë të lartë kinzë gjatë asaj periudhe, por
kontaktet nuk ishin të shpeshta sa duhej. Gjatë bisedimeve në korrik, të dy vendet ranë
dakord për të rifilluar kontaktet e rregullta ushtarake me vizita nga zyrtarë
të lartë të mbrojtjes.
Admirali thotë se shpreson që Kina të mbajë premtimin e saj për një "fuqizim
paqësor" dhe beson se më shumë shkëmbime ushtarake do të kontribuojnë për
arritjen e kësaj.
"Nëse ata duan
të dërgojnë studentë në shkollat tona ushtarake, ne me kënaqësi do t'i
shqyrtojmë kërkesat. Ne do të dëshironim që gjërat të ishin reciproke. Po
zhvillohet diskutime për mundësinë e shkëmbimit të studentëve në të dy anët."
Përveç Koresë së Veriut dhe Kinës, Keating thotë se shumë çëshjte të tjera
janë në krye të listës së shqetësimeve të tij për zëvendësuesin e ri, Admiralin
Robert Willard, i cili komandon aktualisht Flotën Amerikane të Paqësorit.
"Do t'i rekomandoja ta vinte theksin tek forca e aleancave të përbashkëta në rajon...nga Australia deri në Zelandën e Re, Filipine, Korenë e Jugut dhe Japoni....forcimin e marrëdhënieve me Indinë dhe mbi të gjitha strukturën e bashkëpunimit që përqafohet nga shumë e shumë vende." - tha admirali Keating.
Largimi i admiralit Keating nga Komanda e Paqësorit do t'i japë fund një
karriere të gjatë ushtarake që filloi me misionin e pilotit që fluturonte nga
kryqëzorët në vitet 1970.
Admirali Keating thotë se ende nuk e di me se do të merret në pension por shpreson të vazhdojë t'i shërbejë atdheut në një mënyrë apo tjetër.//mm//