Prokurorët bullgarë akuzuan ish ministrin e bujqësisë Valeri Cvetanov për shpërdorim pushteti në lidhje me një numër marrëveshjesh për shpërndarje tokash.
Valeri Cvetanov akuzohet për 15 marrëveshje për dhënie tokash që sipas prokurorëve i kanë shkaktuar shtetit dëme të konsiderueshme.
Cvetanov i ka mohuar akuzat. Nëse gjendet fajtor ai mund të dënohet me 8 vjet burgim.
Kryeministri bullgar Bojko Borisov erdhi në pushtet në muajin korrik me zotimet për të luftuar korrupsionin.
Vitin e kaluar, Bashkimi Evropian pezulloi një ndihmë prej 280 milionë dollarësh për Bullgarinë për shkak të mos trajtimit të çështjeve korruptive në nivele të larta qeveritare në Sofie dhe problemeve me krimin e organizuar./a/