Bashkimi Evropian ka kërkuar takim urgjent me Iranin për të diskutuar mbi programin e tij bërthamor të Teheranit.
Shefi i BE-së për politikën e jashtme, Havier Solana, tha sot se zyrtarët e Bashkimit kishin kontaktuar kryenegociatorin kryesor të Iranit për çështje bërthamore lidhur me propozimin e fundit iranian.
Në një deklaratë, zoti Solana tha se organizata kërkon të hapë bisedime “sa më parë që të jetë e mundur” dhe se Bashkimi Evropian vazhdon të jetë i përkushtuar për negociata të mirëfillta.
Propozimi iranian, që iu shpërnda diplomatëve të huaj dhe u publikua nga faqja elektronike PruPublica, bën thirrje për negociata gjithë-përfshirëse me Perëndimin dhe për të eliminuar kontradiktat. Por propozimi nuk përmend vetë programin bërthamor të Iranit.
Irani këmbëngul se programi i tij bërthamor ka synime paqësore. Shtetet e Bashkuara dhe aleatët perëndimorë e akuzojnë Iranin se po përpiqet të prodhojë armë bërthamore.//lk