Lidhje

Boris Tadiç: Synimi i Serbisë integrimi në BE


Presidenti serb Boris Tadiç tha sot se synimi kryesor politik i Serbisë është integrimi në Bashkimin Europian.

Zoti Tadiç u ka kërkuar anëtarëve të partisë së tij demokratike të mbështesin masat dhe reformat për rimëkëmbjen dhe zhvillimin ekonomik të Serbisë.

Hollanda dhe Belgjika e kanë bllokuar paktin paraprak për anëtarësim në BE me Beogradin që nga prilli 2008, duke kërkuar arrestimin dhe transferimin e kreut politik serbo-boshnjak të luftës Radovan Karaxhiç dhe komandantit të tij Ratko Mlladiç.

Karaxhiç ndodhet tashmë në Hagë ku po përballet me akuzat për krime lufte, ndërsa Mlladiç është ende në arrati. Karaxhiç dhe Mlladiç akuzohen për krime gjatë luftërave të Ballkanit në vitet ’90. //mm//

XS
SM
MD
LG