Shtetet e Bashkuara të Amerikës dhe Maqedonia arritën një marrëveshje për bashkëpunim dhe mirëkuptim, që u mundëson nëpunësve në administratën shtetërore të Maqedonisë të trajnohen nga institucione dhe ekspertë amerikanë. Ambasadori i Shteteve të Bashkuara në Maqedoni, Filip Riker i cili e nënshkroi marrëveshjen, bëri të ditur se ajo do t'u garantojë nëpunësve vendin e tyre në administratë, pa marrë parasysh se cila parti vjen në pushtet.