Autoritetet vendase e ndërkombëtare po u bëjnë thirrje pjesëtarëve të komunitetit serb që të marrin pjesë në zgjedhjet lokale të së dielës. Një grup veprimtarësh nga Serbia ndodhen në Kosovë për të bindur serbët se zgjedhjet janë rruga më e mirë për realizimin e interesave të tyre. Kryetarja e Komitetit serb të Helsinkit, Sonja Biserko tha në një bisedë për Zërin e Amerikës se shumica e serbëve të Kosovës presin lejen nga Beogradi për një gjë të tillë.