Një çift amerikan që u fut pa ftesë në darkën shtetërore të Shtëpisë së Bardhë javën e kaluar i mohoi sot akuzat se ishin miq të paftuar.
Tarek Salahi dhe e shoqja, Michaele, thanë në një intervisë për rrjetin NBC se kanë marrë email-e që tregojnë se ishin të ftuar në darkën e Shtëpisë së Bardhë. Por çifti nuk pranoi të tregonte kopie të email-it apo të thoshte se kush i kishte ftuar.
Zëdhënësi i Shtëpisë së Bardhë Robert Gibs i hodhi poshtë pretendimet e çiftit, duke thënë se zotit dhe zonjës Salahi u ishte thënë disa herë para darkës se nuk ishin të ftuar.
Çifti thotë se po bashkëpunon me Shërbimin Sekret që mbron Presidentin, në hetimet që janë hapur lidhur me incidentin.