Opinioni publik dhe studiues të jetës politike në vend po ndjekin me
shqetësim tensionimin e ri të marrëdhënieve mes partive kryesore
politike, me kërkesat për largim të qeverisë nga njëra anë, dhe me
akuza për korrupsion me ndërtimet në anën tjetër. Një pjesë e
analistëve politikë pohojnë se bojkotimi i parlamentit nga opozita
socialiste ka ashpërsuar qëndrimet e të dyja palëve. Ata shohin me
shqetësim faktin që dialogu mes forcave politike nuk po zhvillohet në
parlament, dhe kjo i zhvendos në rrugë zhvillimet dhe zgjidhjet
politike. Korrespondenti ynë në Tiranë, Ilirian Agolli bisedoi me dy
analistë.