Në Shqipëri një pjesë e trupës së gjyqtarëve vendosën sot pasdite të mandatojnë kryetaren e Gjykatës së Lartë Shpresa Becaj që të thërrase konferencën gjyqësore kombëtare për zgjedhjen e anëtarëve të Këshillit të Lartë të Drejtësisë, ndonëse në takim ishin më pak se gjysma e gjyqtarëve shqiptarë dhe një pjesë mendon se ajo nuk mund te mblidhet përsa kohë mungon një ligj i posaçëm për të. Konferenca Gjyqësore që prej dy vjetësh nuk funksionon që kur Gjykata Kushtetuese rrëzoi ligjin e mëparshëm për organizimin e saj.