Ambasadori i Shteteve të Bashkuara në Kosovë, Christopher Dell, u bëri sot thirrje institucioneve të vendit që ta shndërrojnë në përparësi të punës së tyre, forcimin e sundimit të ligjit në vend, pa të cilin vendi nuk mund të zhvillohet dhe as të jetë pjesë e strukturave euroatlantike. Në një konferencë mbi drejtësinë në shtetin e ri, ai kërkoi reformimin e shpejtë dhe të thellë të sistemit të drejtësisë që është më i kritikuari në vend.