Një studim i ri për konfliktin në Darfur të Sudanit arrin në përfundimin se 80 përqind të vdekjeve gjatë luftës u shkaktuan nga sëmundjet dhe jo nga dhuna.
Kombet e Bashkuara llogaritin se 300 mijë njerëz u vranë në Darfur që nga fillimi i luftimeve mes forcave qeveritare dhe kryengritësve në vitin 2003.
Studimi i ri i botuar dje në revistën mjeksore britanike, The Lancet, konkludon se dhuna ishte shkaku kryesor i vdekjeve në vitin 2004, por sëmundjet shkaktuan numrin më të madh të të vdekurve që nga viti 2005 e tutje.
Në raport thuhet gjithashtu se rreth 2.7 milion njerëz të zhvendosur për shkak të luftimeve u prekën nga diarea, pneumonia, malarja dhe sëmundje të tjera.
Ndërkohë intensiteti i dhunës në Darfur ka rënë, por zona mbetet skenë e banditizmit dhe rrëmbimeve.Madej shumica e grupeve kryengritëse nuk kanë bërë ende paqe me qeverinë.
Një raund i ri bisedimesh për paqe ishte
planifikuar të fillonte sot në Doha, kryeqytetin e Katarit.Deri tani, ndërmjetësit kanë mbajtur takime
ndarazi me zyrtarët sudanezë dhe përfaqësuesit e grupit kryesor kryengritës,
Lëvizja për Drejtësi dhe Barazi. //iç//