Ish presidenti amerikan Bill Klinton doli sot nga spitali në Njo Jork pas kryerjes së një ndërhyrjeje për hapjen një aterje të bllokuar koronare.
Mjekët e kryen dje procedurën, pasi ish presidenti u shtrua në spital pas dhimbjes që ndjente në gjoks.
Mjeku i zotit Klinton, Alan Shvarc, tha se ish presidenti nuk pati ndonjë goditje në zemër e as ndonjë dëmtim të ndonjë forme tjetër. Dr. Shvarc tha se procedura u krye pa probleme dhe prognoza për përmirësimin e gjendjes së tij është e shkëlqyer. Mjeku tha gjithashtu se ish presidenti është ngritur nga shtrati dhe ecën.
Zoti Klinton, i cili bëri një operacion
me katër bajpase në vitin 2004 për hapjen e artereve të bllokuara, pritet të
paraqitet në punë përsëri në hënën. //iç//