Komandanti i krahut jugor të NATO-s, admirali Mark Fitzgerald, tha sot në Prishtinë së të gjitha institucionet që nuk janë në pajtim me Rezolutën 1244 janë të paligjshme dhe paraqesin rrezik për sigurinë. Gjatë një vizite në Kosovë ai tha se gjendja e sigurisë në vend është përmirësuar dukshëm gjatë dy viteve të fundit dhe kjo ka mundësuar shkurtimin e trupave të KFOR-it, përgjegjësitë e të cilit do të kalojnë tek institucionet e vendit.