<!-- IMAGE -->
Ish sekretari amerikan i Shtetit, gjenerali me katër yje në pension dhe ish kandidat për president, Aleksandër Heig vdiq sot në moshën 85 vjeçare.
Pjesëtarët e familjes thanë se Heig vdiq në një spital të qytetit të Baltimorës nga komplikacionet e një infektimi.
Në një deklaratë me shkrim, Presidenti Barak Obama e quajti zotin Heig një amerikan të madh që i shërbeu vendit në mënyrë të shkëlqyer.
Heig shërbeu nën tre presidentë, Riçard Nikson, Gerald Ford dhe Ronald Reagan.
Pas një kariere ushtarake gjatë të cilës ai mori pjesë në luftën e Koresë dhe në Vietnam, Heig iu bashkua administratës së presidentit Nikson në vitin 1970 si anëtar i Këshillit të Sigurimit Kombëtar.Më pas ai u bë shef i personelit të Presidentit Nikson.
Aleksandër Heig shërbeu për një kohë të
shkurtër në administratën Ford, para se të emërohej komandant suprem i forcave
të NATOs në Evropë.Ai u kthye në
Uashington në vitin 1981 dhe shërbeu si sekretar i Shtetit për një vit nën
presidentin Ronald Reagan. //iç//