Përfaqësuesit e partive politike shqiptare në Këshillin e Përkohshëm Administrativ të Kosovës thanë sot se Beogradi mund të ndihmojë në përfshirjen e pjestarëve të komunitetit serbë në jetën politike në Kosovë, por ata kundërshtuan përfshirjen e Beogradit në vendimet për të ardhmen e saj. Gjatë takimit të sotëm politikanët shqiptarë shprehën përkrahjen e tyre për qëndrimit e shefit të UNMIK-ut Hans Haekkerup kundër strukturave paralele në Kosovë.