Revista amerikane “Time” zgjodhi kryetarin e Bashkisë së New Yorkut, Rudolf Giuliani, si ”njeriun e vitit 2001”.
Revista thotë se zoti Giulianni u zgjodh për kurajon e tij, rolin udhëheqës dhe besimin në shpirtin amerikan pas sulmeve terroriste të 11 shtatorit në Shtetet e Bashkuara.
Revista shkruan se një tjetër kandidaturë e mundshme si njeriu i vitit ishte Osama bin Ladeni, i cili akuzohet si organizator i sulmeve.
Kryeredaktori i revistës thotë se viti 2001 përfaqësohet më mirë nga veprimet e zotit Giulianni sesa nga vetë sulmet dhe se bin Ladeni është një njeri tepër i vogël për t’u zgjedhur si figura që përkufizon këtë vit për mbarë botën.