CIA njoftoi se një regjistrim në audiokasetë që thuhej se përmbante zërin e Saddam Husseinit ka shumë mundësi që të jetë i vërtetë.
Por një zëdhënës shtoi se cilësia e dobët e kasetës nuk i lejoi analistët të thonë me siguri se zëri është vëtet i ish udhëheqësit irakian. Folësi në kasetë thotë se është mesi i qershorit dhe se ai ndodhet ende në Irak ku po drejton sulmet kundër trupave amerikane.
Ndërkohë, zyrtarët ushtarakë amerikanë thonë se në Bagdad dy ushtarë amerikanë u vranë gjatë dy sulmeve të veçanta ndaj një autokolone ushtarake, ndërsa të paktën 4 të tjerë u plagosën gjatë një shkëmbimi zjarri në perëndim të Bagdatit.
Autoritetet thonë se sulmet ndaj autokolonës u kryen gjatë natës, ndërsa 4 ushtarët u plagosën nga një sulm me grantë në qytetin Ramadi.//kk//