Sekretari i Përgjithshëm i Kombeve të Bashkuara Kofi Anan i bëri thirrje Bashkimit Evropian të lehtësojë kufizimet e imigrimit.
Këto komente zoti Anan i bëri sot ndërsa u nderua nga Parlamenti Evropian me çmimin prestigjioz Sakharov. Zoti Annan tha sot në Bruksel se Evropa duhet t’i mirëpresë imigrantët në vend që t’i fajësojë ata për plagët shoqërore.
Sekretari i Përgjithshëm tha se nëse Bashkimi Evropian vazhdon ta kufizojë imigracionin e ligjshëm, thjesht do të inkurajojë më shumë emigrantë që të përpiqen të hyjnë në vendet perëndimore përmes trafikut të paligjshëm të njerëzve.
Ai tha se një gjë e tillë shkakton “një tragjedi njerëzore” të shkeljeve të të drejtave, para së cilës udhëheqësit evropianë nuk mundet t’i mbyllin sytë.//kk//