I biri i Presidentit Alfred Moisiu humbi jetën në një aksident rrugor në segmentin Gjirokastër-Tepelenë në jug të vendit.
Trupi i Admir Moisiut, 32 vjeç u gjet në ujrat e lumit Drino. Forcat policore dhe ushtrake i ndërprenë në orët e mbrëmjes operacionet e kërkimit për gjetjen edhe të një personi tjetër dhe do t’i vazhdojnë nesër në mëngjes.
Zyrtarët thonë se Admir Moisiu ishte nisur për në Gjirokastër kur automjeti i tij doli nga rruga dhe ra në lumin Drino. Aksidenti ndodhi në qarkun e Tepelenës.
Djali i Presidentit Moisiu punonte në Prokurorinë e Përgjithshme dhe ishte me shërbim në kohën e aksidentit.//kk//