Në Britani, Partia Laburiste pësoi një humbje të madhe në zgjedhjet e djeshme lokale në atë që shumica e vëzhgusve thonë se ishte një referendum për politikat e kryeministrit Tony Blair në Irak.
Pas numërimit të gati të gjitha fletë votimeve, rezultatet tregojnë se Partia Laburiste e zotit Blair humbi gati 470 vende në zgjedhjet për anëtarët e 166 këshillave të qeverisë lokale.
Rezultatet tregojnë gjithashtu se Partia Konservatore e opozitës ka fituar gati 270 vende të tjera, ndërsa liberal-demokratët, të cilët kundërshtuan luftën në Irak, kanë fituar edhe 130 vende të tjera.
BBC-ja parashikon se gjithsejt Partia Konservatore do të fitojë 38 përqind të votave, liberal-demokratët 29 përqind dhe Partia Laburiste 26 përqind. Por analistët ende parashikojnë se Partia Laburiste do të fitojë zgjedhjet e ardhshme parlamentare.
Një lajm i mirë për Partinë Laburiste ishte se kandidati për kryetarin e bashkisë së Londrës, Ken Livingstone, fitoi përsëri, duke mundur kandidatin e Partisë Konservatore, Steve Norris.
//ze//