Qeveria saudite transmetoi fotografi tronditëse të terroristëve të al-Kaidës që ajo thotë se ishin përgjegjës për ekszekutimin me prerje koke të kontraktorit amerikan, Paul Johnson.
Zyrtarët sauditë të sigurisë thonë se kanë vrarë Abdulaziz al-Mokrinin dhe tre bashkëpunëtorë të tij gjatë një shkëmbim zjarri në kryeqytetin Riad. Al-Mukrini dyshohej si udhëheqësi i një celule të al-Kaidës që mori përgjegjësinë për vrasjen e zotit Johnson.
Ambasadori amerikan në Riad, James Oberweter, tha se autoritetet saudite bënë ç’ishte e mundur për të shpëtuar zotin Johnson dhe se kishin bashkëpunuar plotësisht me zyrtarët amerikanë.
Ambasadori Oberweter e cilësoi Abdul Aziz Mukrin si një nga terroristët më të egër në gadishullin arabik. Zoti Johnson ishte amerikani i tretë që vritet në Arabinë Saudite brenda dy javësh.
Dhe pas paralajmërimeve për sulme të tjera, Departamenti amerikan i Shtetit u bëri thirrje amerikanëve të largohen nga Arabia Saudite. //kk//