Në Shkup po mbahet një takim mbi problemin e armëve të lehta në vendet e tranzicionit në Evropën juglindore.
Organizata për Siguri dhe Bashkëpunim në Evropë, organizatore e takimit, thekson nevojën për një kontroll të rreptë të eksportit të armëve dhe për pengimin e kanaleve të armëve ilegale.
Në takim marrin pjesë zyrtarë të ministrive të Mbrojtjes dhe të Rendit dhe organizata joqeveritare nga shumë vende të rajonit.
Përfaqësuesi i qendrës së OSBE-së për pengimin e konflikteve Pentti Olin tha se OSBE-ja mund të ofrojë ndihmë përmes ngritjes së vetëdijes në rajon, ndërkohë që “politika dhe kontrolli ndaj eksportit kanë nevojë për mbështetje ligjore”.
Ai nënvizoi se problemi me këtë lloj armatimi i përket tërë rajonit. OSBE bën të ditur se rajoni i Evropës juglindore mund të shërbejë si pikë-tranziti për armët në rajone të tjera si Afrika ose gjetkë dhe se trafiku në këto vende duhet të ndërpritet.//ii