Komandanti i forcës shumëkombëshe në Bagadd, Gjeneralmajori Peter Kiareli, thotë se koalicioni po korrë sukses në luftën kundër kryengritësve, të cilët po përpiqen të bllokojnë zgjedhjet e 30 janarit në Irak.
Gjenerali Kiareli thotë se ka shumë mundësi që armiku i pamëshirshëm ta vazhdojë fushatën e dhunës ndërkohë që afrohet dita e votimit. Por, ai thekson se përgjithësisht gjendja në Bagdad është përmirësuar.
Kryeministri i përkohshëm irakian, Iyad Allaui, deklaroi se dhuna nuk do t’i bllokojë zgjedhjet. Por, kryengritësit vazhduan edhe dje fushatën e shpërthimeve vetëvrasëse. Në Hillah, në jug të Bagdadit, shpërthimi i një makine bombë shkaktoi vdekjen e të paktën 15 vetëve në një akademi polcore. Një shpërthim tjetër vtatëvrasës shkaktoi vdekjen e 6 policëve në Bakuba.
Ndërkohë në Bagdadin perëndimor, shpërthimi i një makine bombë që kishte në shënjestër një autokolonë ushtarake amerikane, la të vdekur dy civilë irakianë. Dhe në qytetin Ramadi, katër civilë u vranë gjatë luftimeve midis trupave amerikane dhe kryengritësve