Kryeministri izraelit, Ariel Sharon, thotë se rrethanat janë të përshtatshme për arritjen e rezultateve historike në procesin e paqes për Lindjen e Mesme si rrjedhim i hapava të ndërmarrë nga udhëheqja e re palestineze.
Zoti Sharon i bëri këto komente dje, duke thënë se në qoftë se presidenti palestinez, Mahmud Abaz, arrinë të ndalojë sulmet terroriste, Izraeli do të ishte i gatshëm të çojë përpara procesin e paqes.
Ndërkohë, zoti Abaz i bëri thirrje Izraelit të pranojë menjëherë një armëpushim, pasi ai arriti t’i bindë grupet ekstremiste palestineze që t’i ndalojnë sulmet kundër Izraelit.
Po dje, palestinezët në Rripin e Gazës mbajtën zgjedhjet e para vendore pas pothuajse 30 vjetësh.