Lidhje

Burimet spitalore: Vajza e Skripalit po përmirësohet me shpejtësi


Një spital në Britani njoftoi se vajza e ish-agjentit të dyfishtë rus Sergei Skripalit po përmirësohet me shpejtësi pas sulmit me agjent nervor më parë gjatë këtij muaji. Ndërkohë gjendja e ish-agjentit vazhdon të jetë kritike. Julia dhe babai i saj u helmuan me një agjent kimik ushtarak, një akt për të cilin është fajësuar Rusia dhe për pasojë më shumë se 20 vende Evropiane dhe SHBA kanë urdhëruar dëbimin e diplomatëve rusë. Kremlini vazhdon t'i mohojë akuzat dhe i ka kërkuar ndihmë ligjore Britanisë për përcaktimin e rrethanave të helmimit. Ndërkohë kryeministrja britanike Theresa May vlerësoi Shtetet e Bashkuara për atë që ajo e quajti një përgjigje shumë të fortë për dëbimin e 60 diplomatëve rusë.Autoritetet ruse po u kërkojnë hetuesve britanikë të ndërmarrin një numër hapash që synojnë përcaktimin e rrethanave të helmimit dhe të marrin kopje të disa materialeve të hetimit.

Zyrtarët britanikë kanë fajësuar Rusinë për sulmin, duke thënë se ai ishte kryer me agjentin nervor noviçok, lëndë kimike e prodhuar fillimisht nga ushtria sovjetike.

Kjo është hera e parë e konfirmuar, e përdorimit të armëve kimike në Evropë, që nag Lufta e Dytë Botërore.

Rusia mohon se është përgjegjëse dhe thotë se sulmi është kryer nga shërbimet sekrete britanike në mënyrë që të diskreditohet Kremlini. Britania e hedh poshtë këtë pohim.

Sergei Skripal dhe vajza e tij mbeten në gjendje kritike të shtruar në spital pasi u helmuan më parë këtë muaj.

Policia britanike dha një përditësim për hetimin të mërkurën, duke thënë se pas hulumtimeve të mjekësisë ligjore besohet se ata ranë në kontakt për herë të parë me agjentin kimik në hyrjen e shtëpisë së tyre. Policia paralajmëroi se banorët e lagjes do të shohin kërkime të vazhdueshme por se rreziku për publikun mbetet i ulët.

Deri më tani, policia thotë se ka analizuar 5,000 video të kamerave të sigurisë, ka shqyrtuan më shumë se 1,350 pista të tjera dhe ka intervistuar qindra dëshmitarë.

Në një telefonatë me presidentin amerikan, Donald Trump, kryeministrja britanike Theresa May vlerësoi "reagimin shumë të fortë" nga Shtetet e Bashkuara, që urdhëruan dëbimin e 60 diplomatëve rusë pasi Moska u fajësua për sulmin.

Në një deklaratë të zyrës së kryesministres thuhet se zonja May dhe Presidenti Donald Trump ranë dakord mbi rëndësinë e shpërbërjes së rrjeteve të spiunazhit rus në Britani dhe Shtetet e Bashkuara për të kufizuar aktivitetet e fshehta ruse dhe për të parandaluar sulme me armë kimike në të dyja vendet.

Ambasadori i Rusisë në Australi, Grigovy Logvinov, duke reaguar pas vendimit për dëbimin e dy diplomatëve rusë nga ky vend, u përpoq ta distanconte Moskën nga sulmi.

"Përdorimi i gazit nervor ushtarak në Britaninë e Madhe është një incident shumë serioz në botën e sotme. Unë gjithashtu pajtohem me faktin se ne duhet të kemi një pamje të plotë, një hetim të plotë se si u vendos helmi dhe ky ka qënë qëndirmi i përhershëm i Rusisë ".

Ambasadori rus paralamëroi se në se vendet perëndimore vazhdojnë veprimet kundër Rusisë, atëherë bota do ta gjejë veten, siç u shpreh ai, “thellë në një Luftë të Ftohtë”.

Më shumë se 20 vende të tjera u janë bashkuar Shteteve të Bashkuara dhe kanë urdhëruar dëbimin e diplomatëve rusë.

Facebook Forum

XS
SM
MD
LG