Në Shqipëri, Partia Demokratike hodhi sot poshtë propozimin e djeshëm të Partisë Socialiste për hapjen e kutive të materialeve zgjedhore dhe pritjen e opinionit të komisionit të Venecias për çështjen e fletëve të votimit. Kryetari i grupit parlamentar demokrat e cilësoi atë si dhunimin e radhës së kushtetutës dhe ligjeve të vendit. Por socialistët u përgjigjën duke thënë se bëhet fjalë për justifikime qesharake, sipas tyre, duke rikonfirmuar se nuk tërhiqen, megjithë gjendjen tejet të rënduar të grevistëve, prej të cilëve 45 janë detyruar të largohen për shkak të problemeve shëndetësore.