Reshjet e shumta të shiut, të rëna gjatë gjithë natës në zonën Veriore të Shqipërisë, kanë rikthyer situatën e rënduar dhe frikën e përsëritjes së përmbytjeve në Qarkun e Shkodrës. Disa prej rrugëve, që lidhin Shqipërinë me Malin e Zi dhe me Kosovën, janë bërë të pakalueshme për shkak të dëmtimeve. Ndërkohë, gjatë paradites, Hidrocentrali i Vaut të Dejës ka nisur shkarkimin e ujrave të tepërta duke rrezikuar përmbytje në zonën fushore të Nënshkodrës. Për shkak të situatës së rënduar, Zëvendës Kryeminstri dhe Ministër i Ergjetikës, Ilir Meta, ishte në këtë hidrocentral, ku u shpreh se situata në Kaskadën e Drinit po ndiqet me kujdes.