Policia në Mal të Zi tha se ka ndaluar një person të dyshuar për rrahjen e një gazetareje javën e kaluar, incident që është dënuar nga komuniteti ndërkombëtar.
Policia tha sot se gazetarja Olivera Llakiç e ka identifikuar personin, i cili është një mashkull 29 vjeçar. Ai u arrestua dje vonë.
Zonja Llakiç, gazetare në të përditshmen Vijesti, u shtrua në spital me plagë në kokë pasi u sulmua pranë shtëpisë së saj të mërkurën në kryeqytetin Podgoricë.