Në Shqipëri presidenti Bamir Topi u shpreh i shqetësuar për situatën e krijuar në vend pas ngjarjeve të 21 janarit. Në një mesazh të tij drejtuar qytetarëve ai përdori tone të forta kundër klasës politike, ndërkohë që kërkoi bashkëpunimin e institucioneve të shtetit të së drejtës, dhe jo pengimin, për të zbardhur të vërtetën. Sipas tij gjuha e urrejtjes nuk dëshmon vullnet dhe dëshirë për të zbardhur të vërtetën në mënyrë të pavarur.