Mbretëresha Elizabeth e Britanisë ka rikonfirmuar angazhimin e saj ndaj popullit britanik në një fjalim që mbajti përpra parlamentit me rastin e 60 vjetorit në fronin mbretëror.
Në fjalimin e saj sot në hollin Westmeinster, mbretëresha tha se britanikët mbahen mend kurdoherë për “ të shkuarën e tyre, vazhdimësinë e historisë së tyre kombëtare dhe virtytet e pajtimit, tolerancës dhe zgjuarsisë”.
Mbretëresha theksoi se ajo është e dyta monarke që feston jubileun e Diamandtë; e para ishte mbretëresha Victoria.
Mbretëresha 85 vjeçare gjeti një moment për të përgëzuar bashkëshortin e saj , Princin Philip.
Qindra ligjvënës, personalitete dhe ish kryeministra u mblodhën për të dëgjuar fjalimin e mbretëreshës dhe për të shprehur vlerësim për të. Ligjvënësit britanikë shpalosën përpara të pranishmëve një punim xhami të pikturuar dhe të gdhendur, që ia dhuruan mbretëreshës për këtë përvjetor.