Dy persona të tjerë kanë vdekur në epideminë më të rëndë të E.Kolit në Evropë, ndërsa zyrtarët gjermanë të shëndetësisë thanë se numri i infeksioneve të reja është pakësuar.
Të paktën 25 persona kanë vdekur deri tani dhe më shumë se 2,600 janë të prekur që nga fundi i majit si rezultat i bakteries misterioze. Gati të gjitha viktimat jetonin në Gjermani ose kishin vizituar veriun e këtij vendi.
Ministri i shëndetësisë Daniel Bahr tha se megjithë vdekjet, numri i pakësuar i infeksioneve mund të sinjalizojë faktin se epidemia po ulet. Autoritetet nuk kanë mundur të gjejnë burimin e virusit. Dje një zyrtar i lartë i Organizatës Botërore të Shëndetësisë tha se burimi i epidemisë mund të mos zbulohet kurrë.